Delhi SIR Enumeration Form Kaise Fill Karen (2026): Step by Step Complete Guide
Agar aap Delhi ke voter hain aur aapko Special Intensive Revision (SIR) ke antargat Enumeration Form mila hai, to is guide mein hum aapko poori prakriya saral bhasha mein samjhayenge.
Is article mein aap jaanenge ki form kaise bharna hai, kin baaton ka dhyan rakhna hai, kaun se documents ki zarurat pad sakti hai aur form submit karne ke baad kya karna chahiye.
Disclaimer: Yeh article keval jan jagrukta aur margdarshan ke liye hai. Kisi bhi antim nirnay ke liye hamesha Election Commission aur Chief Electoral Officer, Delhi ke adhikarik nirdeshon ka palan karein.
Delhi SIR Kya Hai?
Sabhi log SIR ke baare mein pehle se hi jaante hain. Yeh prakriya kuch hi din pehle kai rajyon mein poori kar li gayi hai, isliye yahan iske baare mein vistaar se batana munasib nahin hoga.
Enumeration Form Bharne Se Pehle Iske Praroop Ko Samajhiye
Yeh ek sample SIR Enumeration Form hai. Sabse pehle poore form ko dhyan se dekhiye aur samajhiye. Jaldbaazi mein form bharna baad mein correction ki zarurat paida kar sakta hai.
Is form ko achhe se samajhne ke liye hum ise upar se neeche tak 4 alag-alag sections mein divide kar lete hain.
Form Ke 4 Sections
Section 1
Yeh form ka sabse upar wala hissa hai. Ismein applicant ki kuch details pehle se hi printed hoti hain aur system dwara photo bhi lagi hoti hai.
Right side mein ek box diya gaya hai jisme likha hota hai “Vartman Photo Chipkayen”.
Isi box mein apni latest passport size photograph lagani hai.
- Photo passport size honi chahiye.
- Background white hona chahiye.
- Photo saamne se li gayi honi chahiye.
- Side pose wali photo manya nahin hoti.
Section 2
Is section ko dhyan se dekhen to ye pahle se hi 2 section me divide hai. 1 – left block and second right side ka block hai dono section ka apna importance hain.
- Left Block
- Right Block
Dono ka apna alag mahatva hai jiske baare mein hum aage vistaar se samjhenge.
Section 3
Yeh section applicant ki current information bharne ke liye hota hai.
Section 4
Yeh section applicant ke signature aur declaration ke liye hota hai.
Is tarah ek poore page ke form ko humne 4 alag sections mein divide kar liya jisse ise samajhna kaafi aasaan ho jaata hai.
Ab Form Kaise Fill Karen?
Sabse bada sawal yeh hota hai ki form bharna kis section se shuru kiya jaye?
- Section 1 se?
- Section 2 se?
- Ya Section 3 se?
Waise to aap kisi bhi section se shuruaat kar sakte hain, lekin practical aur aasaan tareeka yeh hai ki sabse pehle Section 3 ko fill kiya jaye.
Section 3 Kaise Fill Karen?
isko is tarh se samjhen ki jaise ki aap se aapka teacher aapse yani form ko fill karne waale se ye question kar raha hai ki apnee current details mujhe batao ? Tum mujhe apnee ye saari current details mujhe batao jaise ki ?
- Date of Birth (Janam Tithi) ko batao ?
- Aadhaar Number : abhi jo tumhare paas adhaar number hai usko batao
- Mobile Number : Current mobile jo use kar rahe ho wo batao
- Father’s Name : apne father ka name to zaroori batao ager Father name ka Epic number pata hai to wo bhi batao nahin ho to chod do lekin father name zaroor batao and waisa hi batao jaisa ki unka apne current ke votercard me likha hai.
- Mother’s Name : similarly mother name to zaroori batao ager Mother ke name ka Epic number pata hai to wo bhi batao nahin ho to chod do lekin mother name zaroor batao and waisa hi batao jaisa ki unka apne current ke votercard me likha hai.
- Spouse Details : Ab teacher aap se pooch raha hai kya aap ne married kar liya hai ki nahin isme 2 baaten ho sakti hain ya to No and ya to YES… Ager NO hai to is column me koi information nahin bharen …… Ager YES hai… to zahir see baat hain ki agar aap male hain to aap wife se marriage karenge to wife ka name jaise uske voter card me hain bharen and unka epic number ye votercard me hota hai ,ko bharen.. and Ager jo ye information de rahe hain wo female hai to wo apne husband ka name jaisa ki unke voter card me hain likhen and Epic number ko fill karen..
Is tarah Section 3 poori tarah complete ho jaata hai.
Ab Aata Hai Sabse Important Section 2
Chaliyen ab ye sochen ki aapse aapka teacher ye bolen ki tumne
“kya 2002 ya 2003 me vote diya tha. to aapka answer kya hoga ?”
Apka answer aapki condition ke according kuch bhi ho sakta hai chaliyen ab mai un sabhi condiont ko 1-1 karke analyse karte hain..
Case -1 ye ho sakta hai ki aap ye kahen haan main 2002 -2003 me vote dene ki umar me tha and maine vote diya tha. to teacher aapse poochega accha to us 2002 – 2003 ki voter list lao and usme se jahan tumhara name hai uski same details yedi usme name ki spelling me kuch idhar udhar hai to waise hi mujhe batao
Case 1: Applicant Ka Naam 2002-2003 Ki Voter List Mein Tha
Agar aap 2002 ya 2003 mein voter the aur us samay voter list mein aapka naam tha, to Section 2 ke Left Block ko fill karna hoga.
Jo details 2002-2003 ki voter list mein hain, wahi spelling aur wahi information yahan likhi jayegi.
Right Block ko blank chhodkar cross kar dijiye.
Case 2: Applicant Ka Naam Nahin Tha Lekin Parents Ya Grandparents Ka Naam Tha
Case -2 ye ho sakta hai ki aap ye kahen ki nahin bhai main 2002 -2003 me vote dene ki umar me nahin tha and maine vote hi nahin diya tha to teacher aapse poochega accha to ye batao ki chalo theek hai tumhara name 2002 ki voter list me darj nahin hain lekin ye batao aapke mata ya pita , ya dada ya dadi inme se kisi ka name 2002 -2003 ki list me hain to unki details fill karo.
Ab is case me kyun ki candidate ne 2002 me swayam vote nahin diya tha lekin unke pita ne diya tha to usne section 2 ke left part ko crossed kar de and right side me fill kar den.
Case 3: Na Applicant Aur Na Hi Parents Ya Grandparents Ka Naam 2002-2003 Ki List Mein Tha
Case -3 ye ho sakta hai ki candidate ne 2002 – 2003 me swayam vote nahin diya tha and na hi unke pita, mata, dada , dadi kisi ne bhi vote nahin diya tha to is case me section 2 ko kis tarh se fill karenge dekhen.
Means section 3 ke dono column me blank chod denge. kunki na hi candidate ne vote diya tha and na hi unke mata pita, dada , dadi ne vote diya tha.
Teenon Cases Ka Sample
uper jo maine teeno case ke baare me jo abhi discussed kiya hai uska complete sample filled form ye hain.
Case 1:
Case 2:
Case 3:
Section 4 (Signature)
Form par wahi vyakti sign kare jiska form hai.
Yadi kisi vishesh paristhiti mein kisi anya vyakti ko sign karna ho to adhikarik nirdeshon ka palan karein.
Section 1 (Photo)
Section 1 mein applicant ko apni latest passport size photograph chipkani hoti hai.
- White background
- Front facing photo
- Passport size
Nishkarsh
Delhi SIR Enumeration Form bharte samay sabse mahatvapurn baat hai ki aap har jaankari ko dhyan se verify karein aur keval sahi tathya hi pradan karein.
Jaldbaazi se bachen. Form jama karne se pehle ek baar poora form dobara padhen aur acknowledgement ko sambhal kar rakhen.
Yeh guide keval prakriya samajhne ke uddeshya se taiyar ki gayi hai.
Kisi bhi adhikarik nirnay ke liye hamesha Election Commission aur Chief Electoral Officer, Delhi ke navintam nirdeshon ka palan karein.